Atul from

Sunday 12 May 2024

પારસ પરમાર

 પારસ પરમાર ને અઢળક શુભેચ્છા ઓ


ધબક્તી નસોનાં નશામાં રહું છું,

લથડતો નથી ને મજામાં રહું છું.

જરૂરત નથી એકની એટલે તો,

અસર થઇ દુવાની દવામાં રહું છું.

                              - પારસ



        'તો આવશે' કાવ્યના પુસ્તકથી પ્રથમ શરૂઆત કરવા માટે ડૉ મનોજ પરમાર (પારસ) આપને અંતઃકરણ થી શુભેચ્છા પાઠવું છું. કવિતા સાથે આ કવિનો અદભૂત લગાવ ઘણાં વર્ષો પહેલાથી હું અનુભવતો આવ્યો છું. હંમેશા મને એવું લાગ્યા કર્યું કે કવિતા ના પ્રેમ પ્રત્યેની આ નાનકડી ચિનગારી એકવાર જોરદાર ઊભરીને દીવો થઈ ને સામે આવશે. 'તો આવશે' પુસ્તકથી આજે આ સાકાર થવા જઈ રહ્યું છે. હું અંદરથી હરખાવ છું.

             

         લાઠી તાલુકા ના એક નાનકડા ગામ ઠાસા માંથી ઉભરી ને આજે શ્રેષ્ઠ  કવિઓની હરોળમાં પોતાની જગ્યા બનાવવા આપ જઈ રહ્યા છો તે જાણીને હું ખુબ જ રાજી થયો છું.


                       ડૉ.મનોજે મનોવિજ્ઞાન ના ( હદયરોગના દર્દીઓની આવીગિક બુદ્ધિ અને માનસિક સ્વાસ્થ્યનો તુલનાત્મક અભ્યાસ ) ના વિષય પર PhD ની ડીગ્રી પ્રાપ્ત કરી છે. મનોવિજ્ઞાન માણસ ને અંદરથી ઓળખવા નુ કામ કરે છે. અને કવિનુ પણ કામ છે કે માણસના સપ્ત રંગ, માણસની ખુબિયા, માણસના દર્દને ઓળખીને તેને કાગળ પર ઉતારે, પ્રકૃતિ ના અવર્ણીય રંગો ને ઓળખી ને તેને  કાગળ પર ઉતારે, અને આ કામ મનોજે બેખુબી કર્યું છે. આ બાબત તેના કાવ્યો અને શેર પરથી જાણી શકાય છે. જેમાં મનોજે ગઝલો, ગીત, હાઇકુ, તાન્કા, દુહા, અછાંદસ કવિતાઓ અને છૂટક શેરનો સહારો લઈને દરેકે દરેક ક્ષણોને, અનુભવોને કંડારવાની કોશિશ કરી છે. મનોજ ની ઘણી કવિતાઓ મે વાચી છે. તેમા અસ્તિત્વ, દાયિત્વ, તત્વ નું અજોડ પદાર્પણ જોવા મળ્યું છે. કવિ એક મનોવિજ્ઞાનિક હોય તો કવિતા મા કઈ ઘટે નહીં.


મને માપશો કેમ માણસ તરીકે?

તું તારા હું મારા ગજામાં રહું છું.


               માણસને માણસના ગજામા રહેવું હકીકતમા ખૂબ અઘરું છે અને મનોજે શબ્દના સહારે, સમજણના ગજા બહારની વાત કરી છે. તેનાં માટે તો માણસ ને માણસ તરીકે માપવો એ અંતરમન ના ગુણ હોય તો જ શક્ય બને. માણસ ને માપવો આમ તો અઘરો છે. માણસ મા દરિયા જેટલી ઊંડાઈ પણ હોય ! અને એ ઊંડાઈ માંથી આવા મસ્ત મોતી જેવા શેર નીકળી આવે. કવિ પોતે જાણે છે પોતાના ગજા ની વાત


હાથ નહી છૂટે પછી, ખૂટી જાશે શ્વાસ,

એ સાચા સંબંધ છે, બાકી તો બકવાસ.


              મારા અનુભવે : પ્રથમ મુલાકાતે જ દીલના સબંધો બંધાઈ આવે એવું લાગણી સભર વ્યકિતત્વ, સ્વભાવ પણ નિખાલસ પ્રેમાળ, મનોજ મહેનતુ.. પણ એટલો જ. પોતાની અંદર કલમ બોળી ને લખનારા કવિ તરીકે હું હમેશ મનોજ ને ઓળખાતો રહ્યો છું.

           હું આ પ્રતિભાશાળી વ્યક્તિને માટે એટલુ કહી શકુ કે, તેમની અત્યંત પ્રિય ઇચ્છાઓ મા અનુભૂતિ મેળવે અને તેમના તમામ સર્જનાત્મક વિચારોમા સફળ અમલીકરણની શુભેચ્છા પાઠવું છું. તમે યુવાન, આશાસ્પદ છો. જીવનની દરેક ક્ષણને તમે ઇચ્છો તે રીતે કવિતા રૂપે આવવા દો. સ્વપ્ન જુઓ, પ્રેમ કરો, તમારા મિત્રોને હંમેશા સ્મિત આપો, તમારા પ્રિયજનોને તમારી સફળતા આપો, તમારો વિરોધ કરનારા તમારા પ્રેમ મા ભીંજાય સાથે, આપના આ પુસ્તક થી વાચકો ને રસ તરબોળ કરશો જ એવો વિશ્વાસ છે. 

         મનોજ માટે મારી એક કવિતા નો શેર યાદ આવી જાય 


મન ખોજ મનોજ, હા મોજ મનોજ.

બે શ્વાસ વચ્ચે જ, તક ખોજ મનોજ.

આરાધન રોજ, છે તોજ મનોજ.

સુરજ પર જીત, પા રોજ મનોજ.

અતુલ બગડા ' તથ્ય '


No comments:

Post a Comment