વર્ષોથી કશુક ખાંખા ખોળા કરે છે ,
જડતું નથી
શું ગોતે છે ? ખબર નથી
છું મળશે ? ખબર નથી
અચાનક ફડાક દઈને આંખો ફૂટી જાય
સો વોલ્ટના બલ્બની માફક, અંધારું
ચૌતરફ અંધારું-અંધારું,
કશું દેખાતું નથી સમજાતું નથી
સમજી શકાતું નથી
હું કોણ છું ? આ કોણ છે ? તે કોણ છે ?
સ્વને ઓળખવાની કોશિશ,
વ્યર્થ ફા..ફા..ગેં..ગેં..ફેં..ફેં.. !
જીવન શું છે ?
સમજાતું નથી, સમજી શકાતું નથી,સમજી શકાતું નથી
રણની વચ્ચે તરવરતા મૃગજળની માફક
લાગણી ફૂંટી નીકળે છતાંય
વસંતમાં કુંપળ ફૂટતી નથી
મુરજાતી નથી, મહેકાતી નથી
બસ ચારે બાજુ
તરવર... તરવર...
જીવન તરવર...
કાગળ તરવર...
ઝાંકળ તરવર...
મૌન તરવર...
સંજોગ તરવર...
હું જાગું છું કે ઊંઘુ છું, તંદ્રા !!!
હાથ.. પગ.. હૃદય.. ઇન્દ્રિય..
બધું પોટલું વાળી ફેકી દો કોઈ ઊંડા ધરામાં
છતાંય, કૈ કરી શકાય તેમ નથી
દુરથી મારા જ કર્કશ અવાજમાં, હું પડઘાઉં છું
હું કોણ છું ? આ કોણ છે ? તે કોણ છે ?
----------- અતુલ બગડા '' તથ્ય ''