મારી હથેળીમાં

ઉગ્યા છે રેતીના રણ મારી હથેળીમાં
નીકળ્યા છે ઊંટોના ધણ મારી હથેળીમાં

ટોળે વળીને પંખી ઊતરે વિશ્વાસ ના
નાખી છે શ્વાસોની ચણ મારી હથેળીમાં

સપનાની હવેલી ચણાય કે ન ચણાય
પણ તું ઇમારત ચણ મારી હથેળીમાં

ભલેને કાંટાઓ ઊગે ને આથમે અહી

તોય ફુલોના વહે ઝરણ મારી હથેળીમાં

પથ્થરો કંડારતા બરછટ બન્યા હશે હસ્ત
તો પણ હુંફના આવરણ મારી હથેળીમાં

દાજ્યો છું તેનાથી, ટેરવેથી હસ્તરેખા સુધી
છતાં ઊંડાણે ભર્યા સ્મરણ મારી હથેળીમાં

પરમને પામવા ચાકડે ચડ્યો 'અતુલ '
શબદને લાગ્યા ગ્રહણ મારી હથેળીમાં

- અતુલ બગડા '' તથ્ય ''