મોરબી પૂલ દુર્ઘટના 31/10/2022 સમય સાંજના 6:40 કલાકે
*********
મચ્છુ પહેલા બંધ પછી તારો આ પુલ તૂટ્યો !
ભ્રષ્ટાચાર ફૂટયો કે પછી તારો કુદરત રૂઠ્યો ?
કોઈ મર્યા કોઈ ઘાયલ થયા
લોક રોઈ રોઈ પાગલ થયા
હાય ! મોરબી તારા પાદરમાં
જોને કેટકેટલા મારણ થયા !
મરશિયા ગાતાં લોકોનો હીબકે શ્વાસ ખુંટ્યો.
મચ્છુ પહેલા બંધ પછી તારો આ પુલ તૂટ્યો !
કોઈ ફસાયાને, તો કોઈ ડૂબ્યા
કોઈ બહેનીના તો વીર છૂટયા
કોઈના પતિ, તો કોઈના જાયા
માતાયુના મોત પર આંસુ ફૂટ્યા
તહેવારોના દિવસોમા માતમનો ગોળો ફૂક્યો !
મચ્છુ પહેલા બંધ પછી તારો આ પુલ તૂટ્યો !
કોણે બાંધ્યો બંધ ને આ પૂલ ?
કોના પાપે જીવતર થયું ડૂલ ?
પાયામા શુ નાખ્યું હશે તમે કહો
ક્યાં ગયું તથ્ય ને કોની થઈ ભૂલ ?
બંધ ને પૂલ બાંધનારે લોકોનો વિશ્વાસ લૂંટ્યો.
મચ્છુ પહેલા બંધ પછી તારો આ પુલ તૂટ્યો !
તથ્ય
No comments:
Post a Comment