અડ્બાવ છોડ

જાત આપણી ખેતરનો અડબાવ છોડ છે
લથડતા પતંગાની પાંખમાં કઈક ખોડ છે

હુંફની જાતને ને તારે સો ગાઉનું છેટું
સાજન-માજન બોરડીનું આંગણીએ બેઠું
તરસ્યા હરણની ઝાઝવા તરફ દોડ છે
----જાત આપણી ખેતરનો અડબાવ છોડ છે

ભૂખરા કાળમીંઢ માંથી શોધ્યા કરૂ પાણીને
ટાંકણા લઇ શિલ્પી કોર્યા કર્યા લાગણીને

સૂકી આંખ તારી પથ્થરની બે જોડ છે
----જાત આપણી ખેતરનો અડબાવ છોડ છે

છે એક અદમ્ય ઈચ્છા તેથી દબાઉં કેમ ?
આ પારથી પેલે પાર ઊગીને જાઉં કેમ ?
લીલાછમ જંગલમાં કાળો એક રોડ છે
----જાત આપણી ખેતરનો અડબાવ છોડ છે

/////////- અતુલ બગડા '' તથ્ય '' -////////