આયખું

                                          આયખું 

• જુવાનીનું  જોશ  બધું  ઓગળીને  

  ખાટલાના  વાણમાં 

  મેલની  જેમ  બાજ્યું  છે 

  પાંગતે બેસીને 

  ખીખીયારા  કરતું આયખું

  • તરડાય ગયેલી પુંઠાની પાટી માં 

    લખાય  ગયેલું 

    ઠો.....ઠો......કરતું , ખખડતું 

    બરછટ  ધોળા વાળ ની અંદર 

    કોળાતું 

    સુકાતું  

    ભુંસાતું   આયખું 

    •  ચાર પાયા પરથી ઉભું થઈને

      ખીટીએ  વળગાડેલી કાળી  કટાયેલી 

      તલવારને ધ્રુજતા હાથથી ઉપાડવાની 

      વ્યર્થ કોશિષ થી 

      ફસાડતું 

      વળી પડતું  - આખડતું 

      ખાટલાની પાંગતે ખડવડતું  આયખું 

      • બે શ્વાસ વચ્ચે ની જગ્યા 

        વચ્ચે અટકીને 

        તગતગતી  આંખોથી છેલ્લે 

        ધૂળથી રગદોળાયેલી 

        ઝુંપડીની માયાને ''આહ '' ની જેમ 

        શરીરમાં સમાવી લઈ ને અંતિમ તરફ 

        દોરતું આયખું 

        • એ કટાયેલી 

          સમશેરના  સમ તું જીવીજા

          છેલ્લી  વાર 

          છાતી  ગજ - ગજ ફુલાવી લે 

          જીતી  લે 

          આ  છેલ્લા જંગ ને તું 

          ને  પોઢી જા 

          શાંતિ  થી સાત સમંદર પર 

            -------  અતુલ બગડા  '' તથ્ય ''