ફફડતી સવાર

ડરપોક શાંત કબુતરની જેમ ફફડતી સવાર
ને
રક્તથી ખરડાયેલા માનવોની ગંધ
કાગ નિંદ્રામાં સૂતેલા સૈનિકનો તરફડાટ
હજારો જીવ લઈ ચૂકેલી
ગરમ તોપ
હજીય ઠંડી પડતી નથી
દૂર ક્યાંક શિયાળવાની લાળી
ઘૂવડનો ઘૂઘવાટ
એક જ લાશ ને ખાવા માટે

કુતરાની બઘડાટીએ વાતાવરણ ખળભળી ઉઠે
નિશાચરોની આંખમાં ખુન્નસભરી
ચમકતી તસવીર
ક્યાંક અર્ધજીવથી તરફડતા હાથ, પગ, હ્રદય, તકદીર
કારમી સમયની પરાકાષ્ટા
મોતની સરહદ પર બેસી હર્ષથી કિકિયારી પાડે છે
લક્ષ પ્રાપ્તિની
ગળાકાપ હરીફાઈમાં
આદર્શોની સુષુપ્ત અવસ્થા
શું મેળવે છે ?
જિંદગી ?
ગુલામી ?
મૌત ?
કે
શમ્બુક અવસ્થા....... ?
શુરાનો ખેલ ને ખાંડાની ધાર છે
રક્તથી ખરડાયેલી શરાબી સવાર છે
હવે તો ચેતી ને ચાલો '' તથ્ય ''
જિંદગી ચમકતી તિક્ષ્ણ તલવાર છે 

 

અતુલ બગડા