આ કઇ વાડીનો મોરલો, કેવું બોલે છે રામા
સુરતાની વાડીનો મોરલો, પ્રેમે બોલતો રામા
અષાઢ ધેધુર મઘમઘે થનગન નાચે ઢેલ
સૂકી કરાળ ધરા પર કુદરત કરતો ખેલ
બૂંદ બૂંદ થી અમી જરે તો..
કાળમીંઢ ઝવે વારી, અંદરથી ફૂટતી રેલ
વાલમ કરું શું ઓરતો, શું જોઈએ છે રામા
સુરતાની વાડીનો મોરલો, પ્રેમે બોલતો રામા
કુંપળ ફૂટતી રાતી, કોયલ મધુરુ ગાતી.
હરિના વેશમાં સખી કેવું મીઠું મલકાતી
આલિંગનથી સ્નેહ જરે છે...
વડને વિંટળાઈ જતી, વેલ કેવું હરખાતી
કાશબી રંગમાં ઢાળતો, તું જોઈએ છે રામા
સુરતાની વાડીનો મોરલો, પ્રેમે બોલતો રામા